ಇವು ನನ್ನಯದೆ ಸಾಲುಗಳು
ಬೆಂಬಟ್ಟಿ ಬಂದ ಭಾವನೆಯ ಬಿಂಬಗಳು
ವಿಫಲ ಪ್ರೇಮದ ಪಳೆಯುಳಿಕೆಗಳು
ಬಿಡದೆ ಕಾಡುವ ನೋವಿಗೆ ಸಾಕ್ಷಿಗಳು
ಇವು ಕಿಚ್ಚಿನಿಂದ ರೊಚ್ಚಿಗೆದ್ದು ಕೂಗಿದ ಘೋಷಣೆಗಳು
ಅಸಹಾಯಕತೆಯಿಂದ ತಲೆತಗ್ಗಿಸಿದಾಗ ಸಿಕ್ಕ ಅವಮಾನಗಳು
ದಿಕ್ಕೆಟ್ಟು ನಿಂತಾಗ ಹುಟ್ಟಿಕೊಂಡ ಗೊಂದಲಗಳು
ಸಹಿಸದಾದಾಗ ಮೊಳಕೆಯೊಡೆದ ಸಿಟ್ಟಿನ ಪ್ರತಿರೂಪಗಳು
ಇವು ಹಿಡಿ ಪ್ರೀತಿಗಾಗಿ ಹಂಬಲಿಸಿದ ಕೈಗಳು
ತುಸು ಸಂತೋಷಕ್ಕಾಗಿ ಕೇಳಿಕೊಂಡ ಬೇಡಿಕೆಗಳು
ನನ್ನದೆ ಬದುಕಿನ ಛೀದ್ರ ನೋಟಗಳು
ಖಾಲಿ ಬದುಕಿಗೆ ಬರೆದುಕೊಂಡ ಮರಣ ಶಾಸನಗಳು.
- ವಿಶೇನ
No comments:
Post a Comment